Posts Tagged ‘Cangas Do Morrazo’

“La falda de Carolina…” Manda carallo!

Luns, Outubro 4th, 2010

Galicia Hoxe 01.10.2010

A. R. LÓPEZ . SANTIAGO “¿Iso é terceiro mundo?”

Os rapaces da escola “María Soliña” de Orixa, na India, aprenden “A saia de Carolina” en galego…

…mentres en Marín se aposta pola súa tradución ao castelán

A saia de Carolina é un dos temas que os nenos de Pubai, unha aldea do estado indio de Orixa,cantan nas súas clases de música. Claro está, non se trata dunha escola india habitual senón da escola María Soliña, unha institución creada pola galega Neneta Herrero que leva xa seis anos funcionando a través da ONG Shanga co apoio dun grupo de 280 persoas, a maior parte de Galicia. Cada mes, aboan unha cota que vai dos seis aos trinta euros, suficiente para pagar os gastos deos mestres e a manutención dos alumnos internos

A saia da Carolina, porén, non é a única canción en galego que saben estes rapaces, a súa maioría pertencentes a familias paupérrimas que só puideron ser escolarizados pola existencia de María Soliña. O seu repertorio da clase de música inclúe o Chorar chorei ou O neno que veu de Angola, ademais de temas en inglés, castelán, francés ou oria, este último idioma materno en Orixa.

“Non sei moi ben a razón”, asegura Nenet Herrero nunha conversa telefónica, “pero os rapaces danlles mellor entoación ás cancións en galego que ás que están en castelán: gústanlle máis e tamén é certo que teñen máis facilidade para aprender o galego que o castelán”.

No estado de Orixa, próximo a Bengala, os rapaces das escolas estudan na lingua materna até os once anos, en que comezan a ter o ensino na lingua cooficial, o hindi, que a lingua oficial da India xunto ao inglés. Os rapaces tamén aprenden inglés en paralelo co oria. Neneta Herrero, que vive no Hío -Concello de Cangas- queda sorprendida cando sabe quea uns poucos quilómetros de alí, no mesmo Morrazo, os profesores de Música dun colexio de Marín elixiron un libro dirixido aos centros de fala castelá no que aparece La falda de Carolina. “¡Paréceme incrible!”, exclama e bota a rir, “despois chámanlle terceiro mundo á India, pero eles saben conservar e protexer a súa cultura… E aquí, que presumimos de primeiro mundo, non facemos máis que darlle as costas ao noso… Paréceme o colmo da desfachatez”.

DATOS

Un anaco de Galicia

A escola “María Soliña” é como un anaco de Galicia engastado na terra vermella de Orixa, un dos estados máis atrasados da India. Un anaco de Galicia xurdido pola forza de Neneta Herrero e de Umex -o director da escola-, onde o principal protagonista é oria, o idioma propio de Orixa pero tamén o hindi, a lingua oficial da India, que non entra no ensino até os once anos.

http://www.galiciahoxe.com/hemeroteca-web/gh/iso-terceiro-mundo/idEdicion-2010-10-01/idNoticia-595467/

Neneta na Telegaita

Xoves, Outubro 8th, 2009

Esta mañá saíu na galega unha entrevista a Neneta Herrero, acompañada do escritor e xornalista Antón Lopo.

A primeira, en calidade de rexedora da ONG Shanga, da que xa falamos en outras ocasións (Mª Soliña: Unha experiencia solidaria), e o segundo en calidade de persoa que visitou o proxecto e colabora con el.

Organización ShangaIndia

Engado un enlace á gravación,  con afán divulgativo, non só porque se trate da miña nai,e polo orgullo de fillo que un sente, senón que tamén polo interese que suscita o proxecto e para contribuír ó exemplo de que o que quere pode.

O seu proxecto é tamén o de toda persoa que se queira involucrar nel, sempre que sexa sen animo de lucro (xa que os cartos recadados van integramente adicados a gastos da escola, e en ningún caso sufragan viaxes, ou gastos persoais de ningún outro tipo)

Pero en fin, se queredes saber mais ollade o vídeo:

Shanga from Iván Carrera on Vimeo.

A paxina web é: http://shangaindia.org/

GzVideos | Reportaxe sobre as 16 detencións en Massó

Martes, Agosto 4th, 2009

GzVideos | Reportaxe sobre as 16 detencións en Massó

Presentamos unha reportaxe de máis de vinte minutos con numerosas entrevistas a acrivistas, viciñas, mariñeiros de Cangas, na xornada do 21 de xullo, o dia despois de que 16 persoas foran detidas diante das obras ilegais do porto deportivo de Massó, cando estaban a realizar unha sentada para evitar que entraran novas máquinas e camións que pretenden continuar co recheo e coa destrución nesta zona. Tamén achegamos galería fotográfica deste dia nesta ligazón.

Comeza a peza desde primeira hora da mañá cando tivo lugar unha concentración que reclamaba diante do concello a posta en liberdade de seis das 16 detidas, que pasaron a noite nos calabouzos.

A chegada da alcaldesa do concello, do BNG, Clara Millán, sorrindo diante das e dos concentrados, que aínda que detiveron a unha concelleira do seu propio goberno non foi quen nin de condenar a represión violenta nin de amosar solidariedade, foi o primeiro momento de tensión da xornada, pola desbordante mostra de cinismo e indiferenza amosada pola máxima responsábel da administración local desta vila.

Despois unha manifestación percorria o centro de Cangas até chegar aos xulgados, onde se agardou a saida das 6 persoas detidas, que declararon diante da xuiza até pasadas as tres da tarde.

Ao longo da xornada houbo novas concentracións, unha asemblea viciñal no concello, que rematou cunha nova manifestación polo centro de Cangas, chamando ao pobo de Cangas a continuar a loita pola defensa da terra e contra a destrución do territorio en Massó.

Hoxe en Cangas: 3 feridos e 16 detidos Posted Xullo 20, 2009 by Comité Cidadán

Mércores, Xullo 22nd, 2009

mani01i

Esta mañá en Cangas, a Garda Civil cargou duramente contra os veciños e veciñas que pacificamente manifestábanse contra a destrución do litoral para a construción dunha urbanización e un porto deportivo. efectuaron 16 detencións, membros de Foro Social de Cangas, da Confraría de Pescadores, unha concelleira e outros persoas. Ante estes feitos, o Comité Cidadán de Emerxencia para a Ría de Ferrol quere facer público: A súa solidariedade cos feridos e detidos, esixindo a súa inmediata posta en liberdade. Esixir o cesamento do Subdelegado do Goberno, Delfín Fernández, responsable da agresiva e desmedida actuación policial, en defensa de intereses especulativos privados. Reiterar o apoio deste CCE á loita que están levando a cabo, o Foro Social, a Confraría de Pescadores e o pobo de Cangas, en defensa da legalidade, da súa contorna e do medio de vida de moitas familias ¡Tod@s con Cangas ¡ ¡ A Ría non se vende !

Fontes:

Comité Cidadán de Emerxencia para a Ría de Ferrol

Galiza Non Se Vende

A xuíza libera aos detidos en Cangas tras unha noite nos calabozos da Garda Civil
Maruchi Álvarez, concelleira de Persoal e membro de ACE, que co BNG e o PSOE forma o goberno cangués, denunciou, unha vez libre e coas marcas das esposas visibles nas súas bonecas, que foron tratados «como auténticos delincuentes». Cualificou de incomprensible que un axente que «pesa uns 150 quilos» acúseas a ela e á recentemente operada, ambas de baixa estatura, delgadas e a segunda con muletas, de haberlle agredido.
Denunciou, por outra banda, o «cheiro pestilente» e a sucidade dos calabozos do cuartel de Cangas nos que durmiu, dixo, referíndose á recentemente operada, «unha persoa cunha ferida aínda aberta, con 22 grampas».

Afirma que no cuartel de Cangas sufriron uns malos tratos verbais constante por parte dalgúns axentes. Tiago Pérez e Ricardo Sánchez, do mesmo xeito que Se García, presentaron denuncia contra dous gardas por malos tratos e ata tortura, por apertar «con saña» as esposas ao detelos. A concelleira declarou á xuíza que cando se queixou aos axentes do dano que lle estaban causando, o que a había esposado respondeulle: «Tranquila, que se che doe, vaiche a doer moito máis».